Италијанските обвинители започнаа истрага против поранешниот премиер Џузепе Конте за наводно лошо управување со пандемијата „Ковид-19“ на почетокот на 2020 година.
Меѓу вкупно 19-те осомничени се поранешниот министер за здравство Роберто Сперанза, регионалниот гувернер на Ломбардија Атилио Фонтана и менаџерите и службениците на италијанските национални и регионални тела за јавно здравје додаваат изворите.
Обвинителството во Бергамо, епицентарот на смртоносната епидемија Ковид-19 која започна во февруари 2020 година, во средата објави соопштение во кое велат дека ја завршиле истрагата против 17 осомничени пренесува британската агенција.
Злосторствата за кои обвинителите во Бергамо наведуваат дека ја завршиле истрагата се повеќекратно убиство од небрежност, вина за епидемијата и одбивање да извршуваат службени должности.
Јавното обвинителство во Бергамо во суштина се занимавалo со две прашања.
Првото се однесуваше на причините зошто потешко погодените помали градови околу Бергамо не беа ставени во карантин порано за време на избувнувањето на Ковид-19, кога инфекциите брзо се шират.
Другиот аспект се однесува на фактот дека планот за пандемија на Италија не е ажуриран од 2006 година.
Конте, кој беше премиер од 2018 до 2021 година и сега го води опозициското Движење 5 ѕвезди, рече дека ќе соработува со обвинителите.
Сперанза, кој ја претставува опозициската Демократска партија (ПД) во парламентот, рече дека како министер за здравство тој е подготвен да одговара за своите постапки во најдобар интерес на земјата.
Адвокатот на претседателот на Ломбардија Атила Фонтана објави дека неговиот клиент е сослушан како сведок и не требало да биде вклучен во истрагата.
„Срамота е човек кој првично беше сослушан како сведок да дознае од весникот дека е под истрага“, изјави денеска Фонтана.
Во писмената изјава, италијанското здружение на семејствата на жртвите на Ковид-19 соопшти дека починатиот ја платил цената за институционалната неефикасност и неспособност пренесе Ројтерс.