Зајакнување на билатералната соработка
Денеска, Владата на Македонија и Република Србија го потврдија заедничкиот интерес за унапредување на економските релации со потпишување на меморандум за соработка. Документот го потпишаа вицепремиерот и министер за односи меѓу заедниците Иван Стоилковиќ и српската потпретседателка на Владата и министерка за економија Андријана Месаровиќ.
Преди потпишувањето, Стоилковиќ и Месаровиќ остварија средба на која разговараа за потенцијалите за интензивирање на билатералната соработка.
„Потенцијалот за економска соработка меѓу нашите држави е значаен, особено во прехранбената индустрија и агробизнисот“, истакна Стоилковиќ.
Македонско-српски бизнис форум
Меморандумот беше потврден пред македонско-српскиот бизнис форум во скопскиот хотел „Александар Палас“, на кој присуствуваа над 200 компании и повеќе од 300 учесници.
При посета на компанијата „Пекабеско“ и винаријата „Камник“, двајцата функционери посочија дека економската соработка меѓу Македонија и Србија има голем потенцијал за развој. „Тенденцијата е размената да се зголемува и со нови проекти и инвестиции“, нагласија тие, потенцирајќи дека унапредувањето на економијата ќе остане приоритет и во наредниот период.