Шест нови дестинации веќе потврдени

Вицепремиерот и министер за транспорт и врски, Александар Николоски, најави значителен развој во авиосообраќајот, со потврдени шест нови авиолинии и уште четири во план.

„Од Скопје ќе се лета директно за Барселона, Дубаи, Лион и Штутгарт. Од Охрид ќе има летови за Базел и Истанбул. Веќе се продаваат авионски карти од Сиднеј, Вашингтон и Торонто за Охрид,“ изјави Николоски.

Четири дополнителни линии и прекуокеански летови

Покрај потврдените линии, Николоски најави и нови дестинации:

  • Скопје – Амстердам.
  • Скопје – Париз, со слетување на аеродромот „Орли“, кој е најблиску до центарот.
  • „Катар Ерлајнс“ планира нова линија.
  • Се работи на  воведување на прекуокеански летови од Скопје, што ќе го направи третиот главен град на Балканот со таква можност, покрај Истанбул и Белград.

„Нашата цел е Скопје да биде трет град на Балканот со прекуокеански летови.“

Реконструкција на охридскиот аеродром

Николоски најави и целосна реконструкција на терминалната зграда на охридскиот аеродром, која не е обновена од нејзината изградба. Реконструкцијата ќе започне во следните месеци.