Пожарот во Визбегово на дивата депонија е ставен под контрола по интервенцијата на противпожарната бригада со 7 возила и 20 пожарникари. На депонијата сè уште чади, па две екипи дежураат на терен.
Пожарот е во близина на хотелот „Њу Стар“, а оттаму бил пренесен од дивата депонија во Шуто Оризари – Визбегово.
Од ЦУК велат дека е зафатена површина од 5 илјади квадратни метри, жито, магацин со градежни материјали и двор од околниот хотел.
ЦУК бара институциите да го решат проблемот со дивата депонија. Само неделава неколкупати се интервенирало на ова место, а само вчера двапати.
Се предлага воспоставување надзор, покривање на запаливиот материјал и забрана за понатамошно фрлање отпад.
Извор: Фокус