Предлог на декларација по повод сто и дваесет годишнината од Илинденското Востание и Крушевската Република, е на дневниот ред на денешната 125. седница на Собранието на Република Северна Македонија.
СДСМ ја поднесе Декларацијата за Илинден, неколку дена пред најголемиот македонски државен празник.
Пратеникот и портпарол на СДСМ Дарко Каевски тогаш изјави дека очекува сите пратеници без разлика од која партија доаѓаат, да ја поддржат и таа да биде усвоена од македонското Собрание.
Најавата за донесување на Декларација во пресрет на празнувањето на 120 годишнината од Илинденското Востание дојде веднаш по веста за бугарското Собрание за, како што е наречна „Декларација за Илинденското-Преображенско востание“ предложена од пратеници.
Станува збор за говор на тројца пратеници во Собранието за одбележување на годишнината од, како што тие го нарекуваат, Илинденско -преображенско востание кое Бугарија го одбележува на 20-ти јули.
На 2 август се одбележуваат годишнините од почетокот на Илинденското востание, кренато во 1903 и заседанието на АСНОМ во 1944, кога биле поставени столбовите на државност.