Претседателката Гордана Сиљановска Давкова ја потпиша одлуката за ангажирање на дел од Армијата во гаснењето на активните пожари, согласно Законот за управување со кризи.
Ангажманот на Армијата следи по прогласувањето на кризна состојба од страна на Владата, со цел подобра координација и поддршка на терен.
Генералштабот на Армијата ќе го утврди точниот начин и обем на учество на воените сили во справување со огнената стихија.
Од Кабинетот на претседателката информираат:
– Претседателката е во тек со состојбата со пожарите и изразува загриженост и сочувство со засегнатите сограѓани.
Со оваа одлука, институциите добиваат дополнителни капацитети за интервенција во услови на проширени пожари низ повеќе региони.