Судирите меѓу Друзите и бедуините се разгоруваат
Кревкото примирје во јужна Сирија повторно е под закана. Во текот на ноќта избувнаа нови вооружени судири меѓу припадниците на малцинството Друзи и членови на бедуинските племиња. Сириските владини сили, кои претходно се повлекоа согласно договорот за прекин на огнот, повторно беа распоредени во регионот поради ескалацијата на насилството.
СУДИР МЕЃУ СЕКТИ И НОМАДИ ВО СИРИЈА: Најмалку 89 загинати во смртоносните судири
ОН повикуваат на почитување на мировниот договор од 1974 година
Советот за безбедност на Обединетите нации изрази сериозна загриженост за интензивираните судири во Сирија, вклучително и неодамнешните израелски напади. Халед Киари, помошник-генерален секретар за Блискиот Исток, Азија и Пацификот, изјави: „Израелските акции ја поткопуваат силата за изградба на нова Сирија во мир со себе и со регионот“. Киари подвлече дека е клучно Израел и Сирија да ги почитуваат одредбите од Договорот од 1974 година, со цел да се зачува прекинот на огнот.
Израел признава над 100 напади, САД се дистанцираат
Израелските власти признаа дека извеле повеќе од 100 воздушни напади во јужна Сирија, во рамки на интервенции во конфликтите меѓу сириската армија и вооружени групи поврзани со Друзите. Од Вашингтон, пак, стигнува уверување дека САД не се вмешани во нападите. Стејт департментот соопшти дека е во дипломатска комуникација со двете страни и работи на долгорочно решение.
„Претседателот Трамп ја изложи својата јасна визија за просперитетен Блиски Исток и стабилна Сирија во мир со себе и со своите соседи“, истакна портпаролката Тами Брус.
Извор: МРТ