Приведен возач под дејство на алкохол во Крива Паланка информира МВР
Приведен возач под дејство на алкохол бил во Крива Паланка, информираат од Министерството за внатрешни работи. Ноќеска во 00:17 часот полициски службеници го лишиле од слобода 22-годишниот А.Ј.
При контрола на улица „Свети Јоаким Осоговски“ во Крива Паланка, полицијата запрела возило „фолксваген голф“ што го управувал А.Ј. По преземени мерки, било утврдено дека возачот имал 2.05 промили алкохол во крвта.
По целосно документирање на случајот, против него ќе биде поднесена пријава според член 297-а од Кривичниот законик за безобѕирно управување со моторно возило.