Осум мигранти од Египет пронајдени во две возила – за еден од осомничените распишани три потерници
На 30 јули 2025 година, околу 20:00 часот, полициски службеници од Полициската станица за граничен надзор Сопот при Регионалниот центар за гранични работи Север лишиле од слобода три лица – А.Р. (26) од село Студеничани, скопско, и двајцата радовишани Б.Б. (26) и А.Ш. (31), под сомнение за криумчарење мигранти.
Возилата не застанале на полициски знак – приведени со осум мигранти
Инцидентот се случил во 19:45 часот на автопатот Куманово – Табановце, во близина на селото Костурник. Полициски службеници забележале две патнички возила – „ауди“ со струмички регистарски ознаки, управувано од Б.Б. со А.Ш. како сопатник, и „фолксваген пасат“ со скопски таблички управувано од А.С. Возилата не застанале на дадениот полициски знак, но наскоро биле запрени. Во нив биле пронајдени осум мигранти од Египет.
Мигрантите префрлени во Транзитен центар – осомничените во Полициска станица Куманово
Мигрантите се пренесени во Транзитниот центар Табановце, додека со натамошна проверка било утврдено дека за возачот А.С. се водат три активни потерници. Тројцата осомничени се предадени во Полициската станица Куманово за понатамошна постапка. По целосно расчистување на случајот, ќе биде поднесена соодветна пријава од страна на ОПКМСР при Регионалниот центар за гранични работи Север.
Извор: Курир