Променливо облачно време со умерен до засилен ветер од северен правец, попладне повремен локален снег

Попладне и во текот на ноќта претежно во северните делови ќе има повремен локален снег, најавуваат од Управата за хидрометеоролошки работи.

Минималната температура ќе биде во интервал од -5 до 3, а максималната ќе достигне од 3 до 12 степени.

Во Скопје, времето ќе биде претежно облачно со умерен, повремено засилен ветер од северен правец. Минималната температура ќе се спушти до 1, а максималната ќе достигне 8 степени.

Во сабота ќе дува засилен северен ветер и ќе има повремени локални врнежи од снег. Потоа во следните денови времето ќе биде стабилно и суво, од понеделник со подолги сончеви периоди и со пониски утрински и дневни температури.