Во екот на војната со Русија и зголемените потреби за логистика и поддршка на одбранбените сили, откриена е проневера при набавка на храна за украинската армија во износ од 733 милиони гривни, односно околу 16,5 милиони евра.
Истражната акција е спроведена од Украинското национално биро за борба против корупцијата (НАБУ) и Специјализираното обвинителство за борба против корупцијата (САПО).
Комплети со манипулирани цени во срцето на шемата
Поранешен висок функционер во Министерството за одбрана, сопственик на неколку снабдувачки фирми, двајца директори и уште едно лице се осомничени за злоупотреба на државни средства преку скриена шема во набавка на храна за украинската армија.
Проневерата при набавка на храна за украинската армија се реализирала преку однапред склопени „пакети со храна“, составени од каталог со 409 артикли. Реално, само 10% од производите – компир, месо, вода, житарки – биле нарачувани, додека сезонски и декоративни производи како бобинки, желатин или зачини, речиси никогаш.
„Преку вештачки креирани комплети, снабдувачите ги надувале цените на производите со висока побарувачка, а ги намалувале цените на ретко користените артикли. Така, трошоците на хартија останале исти, но реално биле насочени кон фаворизирани фирми,“ соопшти НАБУ.
НАБУ: Профитот пренасочен преку дивиденди, сомнежи за недвижности во Хрватска
Според експертска анализа, две поврзани фирми заработиле незаконски 16,5 милиони евра. Парите биле насочени преку дивиденди и финансиска помош кон други компании.
Истражителите се сомневаат дека дел од овие средства биле искористени за купи на хотели во Хрватска, како и за други високовредносни набавки поврзани со истите субјекти.
Скандалот се разгоре по извештаи дека во договорите за пакети со храна стоеле цени како 17 гривни за едно јајце (0,37 евра), што предизвика остри реакции од јавноста.
По реакциите, осомничените компании биле принудени да ги намалат цените на 11 од најчесто нарачуваните производи.
Проневера при набавка на храна за украинската армија – симбол на системска корупција
Според истражните органи, проневерата при набавка на храна за украинската армија не е изолиран случај, туку дел од поширок проблем во воените набавки. НАБУ и САПО најавија проширување на истрагата кон други договори и фирми.