Просечната месечна исплатена нето-плата по вработен во април годинава изнесува 41.085 денари и е за 13,7 отсто повисока отколку во истиот месец од минатата година.
Според податоците на Државниот завод за статистика, ваквото зголемување се должи, пред се, на зголемувањето на просечната месечна исплатена нето-плата по вработен во секторите Образование за 21,8 отсто, Земјоделство, шумарство и рибарство за 18,6 и Информации и комуникации за 18 отсто.
Зголемување на просечната месечна исплатена нето-плата по вработен, пак, во однос на претходниот месец е забележано во секторите Земјоделство, шумарство и рибарство за 6,3 отсто, Информации и комуникации за 5,7 и Транспорт и складирање за 4,9 отсто.
Синдикалната кошничка во пораст
Скоро илјада евра му се потребни на едно просечно семејство во земјава да го истурка месецот. Вредноста на синдикалната минимална кошница за јуни изнесува 60.325 денари и е зголемена за 235 денари споредено со синдикалната минимална кошница за минатиот месец.
Со изнајмен стан од 60 квадрати за јуни изнесува 75.700 денари. Најмногу пари се трошат за храна и пијалоци 21.952 денари или 36,4 проценти од вкупната сума.