Путин во интервјуто со Карлсон: САД одлучуваат за судбината на Укринците, ние никогаш не сме одбиле преговори

Синоќа Владимир Путин го даде првото интервју за западен медиум за првпат откако започна руската инвазија во Украина.

Интервјуото е снимено во вторникот, а емитувано е вчеравечер. Разговорот е со Такер Карлсон, поранешен водител на популарниот канал „Fox News“, а неговото име го следат многу контроверзии.

Вчерашното двочасовно интервју ги руши сите очекувања за гледаност, а во текот на истото беа поставени речиси 60 прашања – што дури и руските публикации се прашуваа што да направат од сето ова како наслов и со часови објавуваа поединечни написи на секои десет минути.

Пред тоа, руската пропаганда со денови емитуваше извештаи за престојот на Карлсон во Москва како да е некој вид на општествена славна личност – во кои ресторани одел, кој балет го гледал.

Меѓу првите оценки за виденото се издвојуваат две. Дека сè е од веќе познатите тези на Путин и дека тој е подиректен во неговиот апел до САД да одлучуваат за судбината на Украинците „по договор“.

Зошто започнала воената инвазија на Русија во Украина

Разговорот со претседателот започна со прашање зошто тој наредил инвазија на Украина. Одговорот беше повеќе од 40-минутен историски преглед кој датира од 9 век, кој ефективно го повтори неговиот познат есеј од јули 2021 година „За историското единство на Русите и Украинците“. Денес веќе се смета за обид идеолошки да се оправда она што следеше половина година подоцна на 24 февруари 2022 година.

На прашањето „Зошто мислите дека САД може одеднаш да ја нападнат Русија, како дојдовте до овој заклучок“? Путин иронично одговори „Не го кажав тоа, дали е ова ток-шоу или сериозен разговор“?

Долги и неконкретни одговори од Путин

Неговите одговори обично беа долги и тој беше критичен кога Карлсон се обиде да го врати во војната против Украина.

Дали Американците навистина немаат ништо подобро да направат? Имате проблеми на граница. Прашања за миграција, прашања за државниот долг. Повеќе од 33 трилиони долари. Нема што да се направи. Затоа треба да се борите во Украина. Зарем не е подобро да се договориме со Русија? Ајде да постигнеме договор, веќе разбирајќи ја ситуацијата што се развива денес, разбирајќи дека Русија ќе се бори за своите интереси до крај и, разбирајќи го ова, всушност се вратиме на здравиот разум, почнеме да ја почитуваме нашата земја, нејзините интереси и да бараме што – што е решение?

Даде одговор и за Украина. Вели „Ние никогаш не сме одбиле преговори“.

Господинот претседател на Украина издаде декрет за забрана за преговори со нас. Нека ја откаже оваа уредба и готово, ние никогаш не сме одбиле преговори. Цело време слушаме: дали Русија е подготвена, дали е подготвена? Да, не одбивме! Тие јавно одбија. Па, нека си го отповика указот и нека влезе во преговори. Никогаш не сме одбиле. Претпоставувам дека тоа го направиле по инструкции од Вашингтон. Донесоа погрешна одлука, сега треба да бараат излез. Ја направија грешката, нека си ја поправат сами, додава Путин.

Путин топката ја префрла кон Киев, вели дека речиси и да дошле до договор во Истанбул.

Речиси се договоривме во Истанбул. Но, откако ги повлековме нашите војници од Киев, како што реков, другата страна ги напушти тие договори и ги послуша инструкциите на западните земји – европските земји и САД – да се борат со Русија до крај.

Тој додава дека состаноците лице в лице биле прекинати по веста за масакрот во Буча.

Целото интервју ги руши сите рекорди на гледаност.