Благоја Ралповски кој доаѓа од Конфедерација на слободни синдикати (КСС) утрово гостуваше во студиото на Радио Лидер. Со него разговаравме на повеќе теми, а се осврнавме на денешниот протест. Ралповски во однос на денешниот протест вели дека нема да присуствува затоа што во овие девет месеци работите се тргнати од нула.
„Сите сакаме 500 евра минимална плата, но она што требаше да го направиме како конфедерација го направивме во овие девет месеци и работите се тргнати од нула. Јас дадов предлог до претседателот на Сојуз на синдикати во Македонија. Тоа што ние го имаме во јавниот сектор, тоа што владата ни го даде овие шест месеци да им помогнеме на сојузот пред стопанските договори – да потпишат општ колективен договор во приватниот договор, па нема проблем. Тие што им ветуваат 500 евра, нека им дадат 500 евра. Општиот колективен договор ако се потпише во приватниот сектор со легитимни страни, легитимни работодавачи и легитимен синдикат тогаш тој мора да го почитуваат сите приватни компании во државата“, започнува Ралповски.
Што се однесува до денешниот протест тој смета дека има нереални параметри и барања. Нашиот соговорник со различни ставови од претседателот на ССМ, Слободан Трендафилов.
„Протестот е легитимно право на секој, особено на синдикалците. Секогаш е добро да се протестира, но треба да се има реални параметри и барања. Низ годините наназад ние протестиравме затоа што се кршеа законите, се кршеа колективните договори, затоа што имаше сериозен притисок, бевме по полиции, министерката Мила Царовска ме апсеше под изговор дека сум снимал разговор. Сериозни притисоци имавме низ годините“, вели Ралповски за Радио Лидер.
Тој даде кратка ретроспектива за притисоците низ минатото. Потсетува дека нивните пет години нивните документи седеле заборавени во фиоките.
„Во минатото имаше два синдикати. КСС и ССМ. 2017 година кога Мила Царовска популистички ја качи минималната плата, а не го испочитува законот до крај и остави многу луѓе на цедило преку членот 8, тука одлуки се носеја без консензус и кворум. Ние како КСС го користевме механизмот на бојкот. Истото се случуваше и 2018 година, но и 2019 година. Пет години нашите документи седеа по фиоките“, потенцира Ралповски.
Инаку, денеска во 12 часот и пет минути Сојузот на синдикатите на Македонија ќе започне протест на кој ќе излезе членството за да го изрази своето незадоволство од ниските плати но и поради односот на Владата во пристапување на решавање на проблемот околу зголемување на минималецот, барајќи 500 евра минимална плата.
Синдикатите на протест – бараат покачување на минималецот
Ваквиот протест наиде на критики затоа што според многумина, вклучувајќи го и Ралповски како претседател на КСС. Протестот организиран од ССМ има нереални барања и нереални параметри.
Целата емисија може да ја погледнете ТУКА.