Разоткриена криминална група делувала на територијата на Липково, Куманово и Желино
По двегодишна опсежна предистражна постапка, Управата за финансиска полиција денеска спроведе претреси на повеќе локации во општина Липково, Куманово и Желино. Целта на активностите беше целосно разоткривање на организирана криминална група и заштита на буџетот на државата.
Од Управата посочуваат:
„Се работи за сложена предистрага која опфаќа повеќе правни и физички лица, а целта е целосно разоткривање на криминална група која дејствувала подолг временски период и имала за цел вршење на кривичните дела “Злосторничко здружување” од член 394 од КЗ на РСМ, “Даночно затајување” од чл.279 од КЗ на РСМ, “Даночна Измама” од чл.279-а од КЗ на РСМ и “Перење пари и други приноси од казниво дело” од чл.273 од КЗ на РСМ, со намера организаторите и припадниците на групата да се стекнат со противправна имотна корист во висина од над четиристотини триесет милиони денари, со што е предизвикана огромна штета на буџетот на Република Македонија. По налог на јавен обвинител од Основно јавно обвинителство за гонење на организиран криминал и корупција, во акцијата со асистенција на САЕ „Тигар“ од слобода се лишени 7 лица и истите се изведени пред судија на претходна постапка при Основниот кривичен суд, а едно лице не е достапно на органите на прогонот, се вели во соопштението.“
Апсења и континуирана борба против финансиски криминал
Седумте лица се приведени и изведени пред судија на претходна постапка, додека едно лице се уште не е достапно на органите на прогонот. Управата за финансиска полиција останува посветена на откривање и гонење на финансискиот криминал и заштита на буџетот на државата.