Реалната просечна плата во време на ВМРО-ДПМНЕ ПОРАСНА ДВОЈНО ПОВЕЌЕ од времето кога СДСМ беше на власт

Реалната просечна плата според ВМРО-ДПМНЕ бележи раст од 6,7%, што е двојно повеќе од 3,5% во времето на СДСМ.

ВМРО-ДПМНЕ денеска реагираше на ставовите на Венко Филипче. Од партијата велат дека реалната просечна плата за време на нивното владеење бележи значително повисок раст во споредба со периодот кога СДСМ беше на власт.

Во реакцијата партијата го коментира настапот на Филипче.

„Венко Филипче одамна изгубил чувство за реалноста, очигледно некаде по првиот тендер како министер за здравство, но сега откако беше на јахтата на Заев и тоа малку што го имал го нема. Народот денес е побогат од времето на СДС. Единствена разлика е што нема милиони за него и Заев од државниот буџет“, се наведува во соопштението на ВМРО-ДПМНЕ.

Партијата дополнува дека бројките се најсилниот аргумент.

„Бројките се секогаш тврдоглави, а тие го говорат следното: растот на просечната нето-плата во последната година кога ВМРО-ДПМНЕ е на власт е 10,3%, за разлика од периодот кога СДС беше на власт, кога просечната плата порасна за 8,3%“, се наведува во реакцијата.

Во соопштението понатаму се нагласува дека реалната просечна плата е најдобар показател за стандардот.

„Уште поголем удар за СДС е фактот што реалниот пораст на просечната плата во време на ВМРО-ДПМНЕ е двојно поголем од периодот на СДС. Имено, порастот на реалната плата во време на ВМРО-ДПМНЕ е 6,7%, за разлика од 3,5% во време на СДС. Тоа значи дека стандардот на граѓаните сега е поголем од времето кога СДС беше власт“, се наведува во текстот.

Освен платите, ВМРО-ДПМНЕ укажува и на инфлацијата.

„Кога сме кај инфлацијата, и таму бројките се лоши за СДС. Во време на СДС инфлацијата во просек изнесувала 4,8%, за разлика од сега кога во просек е 3,6%“. СДС и Филипче може да лажат колку сакаат, но едно не можат да сменат, а тоа е реалноста“, се заклучува во соопштението од Центарот за комуникации на ВМРО-ДПМНЕ.