Здружението „Репортери без граници“ (РСФ) денеска соопшти дека поднесе претставка пред Меѓународниот кривичен суд (МКС) по нападот во вторникот со руски проектил врз телевизиската кула во Киев, осудувајќи го како „воено злосторство“, јави дописникот на МИА.
„На 4 март, РСФ поднесе жалба до обвинителот на Меѓународниот кривичен суд (МКС) за воени злосторства извршени од руските сили во Украина. Од почетокот на агресијата против Украина на 24 февруари, руската армија намерно бомбардираше неколку телевизиски антени низ целата земја“, напиша организацијата во соопштението за печатот.
Во вторникот, на шестиот ден од руската инвазија на Украина, руска ракета „погоди“ опрема во оваа кула, која се наоѓа недалеку од Бабин Јар, дол во која нацистите во 1941 година за два дена застрелаа и убиле повеќе од 30.000 Евреи. Ова место денес е важно место за сеќавање. Во нападот загинаа пет лица.
Според РСФ, цитирајќи го својот локален партнер ИМИ, „најмалку три други ТВ кули беа цел на бомбардирање, во Хорсон, Лисичанск и Харков и две радио антени престанаа да емитуваат откако руската војска ја презеде контролата над нив , во Мелитопол и Керсон“.
„Намерното бомбардирање на многу медиумски инфраструктури, како што се телевизиските антени, претставува воено злосторство и го покажува обемот на офанзивата што ја започна Путин против правото на информирање“, изјави Кристоф Делоар, генерален секретар на Репортери без граници. (РСФ), цитиран во соопштението за печатот.
Во средата вечерта, обвинителот на Меѓународниот кривичен суд најави „итно отворање“ на истрага за ситуацијата во Украина, каде што наводно се извршени воени злосторства, откако доби зелено светло од 39 држави членки на МКС. Создаден во 2002 година, МКС, со седиште во Хаг, беше создаден како независен меѓународен трибунал за судење на лица обвинети за геноцид, воени злосторства и злосторства против човештвото.