Врие од возила кон Грција: Гужви за влез и излез од Македонија

Викендов почна со гужви на граничните премини. Се чека и до два часа, колоните се протегаат со километри. Утрово, за излез од Македонија и влез во Грција, се чека и по два часа, предупредуваат возачите. Причината е зголемена фреквенција поради викендот, жешкото време и фактот што започнува последниот дел од јули. Овој период кога многумина го користат годишниот одмор.

На граничните премини Богородица и Дојран, рано утрово имаше приметен наплив на возила, при што доминираат регистарски таблички од Македонија, но не изостануваат ни туристите од Србија, Косово и поширокиот балкански регион.

Чекање на секој премин: Богородица, Дојран, Табановце

Според информациите на АМСМ, движењето на патиштата надвор од урбаните средини е значително засилено, што дополнително ги отежнува пристапите кон граничните премини.

  • „На Табановце во моментов се чека околу 35 минути“, информираат од АМСМ,

  • „На Дојран, пак, времето на чекање се движи од 15 до 25 минути“,

  • „Најкритично е на Богородица – каде за влез во Македонија се чека 15 минути, но за излез кон Грција се чека и до 45 минути“.

Сообраќајот е во застој, возачите се нервозни, а патувањето кон летните дестинации почнува со стрес и неизвесност.

Извор: МРТ