Родителите на жртвите со претставка за трагедијата
Во Собранието започна седницата на Постојаната анкетна комисија за заштита на слободите и правата на граѓанинот, на која се разгледува претставката поднесена од здружението „16-ти март“ за трагедијата во кочанската дискотека Пулс, каде загинаа 63 лица, а повеќе од 210 беа повредени, пренесува Плусинфо.
На седницата присуствуваат подносителите на претставката, родители и блиски на загинатите.
Повик за вистинска правда и оценка за системски пропусти
Воведното излагање го започна Марија Петрушова, мајка на една од жртвите, која истакна дека здружението бара вистинска правда за загинатите, нагласувајќи дека тоа е важно за сите деца во Македонија. Таа рече дека трагедијата е резултат на сериозни системски пропусти и корупција и побара случајот да се третира како прекршување на основните човекови права, особено правото на живот.
Се бара правда за загинатите
Се бара правда за загинатите. Петрушова во обраќањето посочи дека е симптоматично што обвинението се однесува само на поранешни функционери. Таа смета дека со истрагата и обвинението се опфатени само службеници од пониско ниво и дека „државата драматично потфрли во борбата со корупцијата, дозволувајќи големите да останат над законот“.