Сестрата на Коста била во блиска училница додека тој убивал, таа е во тешка состојба

Помладата сестра на момчето кое вчера стана масовен убиец, Коста К.(13), оди во истото основно училиште и во моментот на масакрот била во училницата недалеку од онаа во која убивал нејзиниот брат.

Според медиумите, десетгодишното девојче во придружба на психолози и социјални работници било префрлено во семејството на блиски роднини, каде што ќе престојува во следните неколку дена.

Таткото на убиецот Коста К., како сопственик на оружјето со кое го изврши масакрот, е уапсен и приведен, а мајката вчера цел ден го поминала во полиција каде по наредба на обвинителството била на распит.

-Помладата сестра на момчето-убиец е во многу тешка состојба, не престанува да плаче, била на училиште кога се случило сè и знае сè… Префрлена е во семејството на блиски роднини каде ќе остане до понатаму. Обезбедена и е стручна поддршка од психолози, педагози и лекари, соопштија од надлежната социјална служба.