Сиљановска Давкова ги посети повредените од пожарот во Кочани во болницата „Пирогов“ во Софија

Претседателката Гордана Сиљановска-Давкова, денеска во Софија ги посети повредените од пожарот во Кочани, кои се лекуваат во болницата „Пирогов“.

Во Бугарија моментално се хоспитализирани 14 пациенти. Oд нив девет во „Пирогов“, каде што сите се екстубирани, оперирани и некои имаат извршена трансплантација на кожа. Една пациентка се лекува амбулантски со редовни преврски.

Дополнително, тројца пациенти се во Военомедицинскиот центар во Варна, а еден во болницата „Св. Ѓорѓи“ во Пловдив, сите во стабилна состојба.

Претседателката ја изрази својата поддршка за повредените и нивните семејства, нагласувајќи дека државата ќе продолжи со сите потребни мерки за нивното закрепнување.

Сиљановска Давкова учествува на „Акаба Процес Балкан III“

Сиљановска-Давкова е во работна посета на Бугарија, каде што ќе учествува на состанокот на шефови на држави и влади „Акаба Процес Балкан III“. Настанот се одржува во Софија, на покана на бугарскиот претседател Румен Радев и кралот на Јордан, Абдула Втори.

Работна посета на Бугарија: Сиљановска-Давкова на „Акаба Процес Балкан III“ во Софија

Таа ќе има обраќање на првата сесија од состанокот, насловена „Идентификување и разбирање на заканите“.

За време на посетата, предвидени се и билатерални средби со бугарскиот претседател Румен Радев и со кралот на Јордан, Абдула Втори.

Извор: Миа