Претседателката Гордана Сиљановска-Давкова денеска прими претставници на Алијансата на либерали и демократи за Европа (АЛДЕ) од Европскиот Парламент. Тие беа учесници на меѓународната конференција „Quo vadis Europa 2025?”, што се одржа во Скопје. Сиљановска-Давкова на средба со АЛДЕ ги истакна значајните теми за интеграција.
Како што информира Кабинетот на претседателката Сиљановска-Давкова, гостите ја потврдија јасната заложба на АЛДЕ за деблокирање на македонскиот евроинтегративен пат. Тие се залагаат за брзо и целосно интегрирање на Западен Балкан во ЕУ. Ова се планира преку посегање по креативни решенија во овој исклучително тежок геополитички моментум.
Претседателката, како што се наведува, низ призма на принципите и вредностите гарантирани со европските конститутивни акти, презентираше свои видувања и предлози за излез од блокадата. Сиљановска-Давкова на средба со АЛДЕ дискутираше и за креативни решенија.
Гостите изразија не само интерес, туку и подготвеност да помогнат во надминувањето на неодржливиот status quo. Тоа ќе го остварат преку иницирање можни решенија во рамките на Европскиот парламент.
Претседателката го поздравила конструктивниот пристап на АЛДЕ, во духот на европските демократски принципи и вредности.
На средбата присуствувале Свења Хан, претседателка на АЛДЕ и германска европратеничка. Присутни беа и Рик Дамс, потпретседател на АЛДЕ и поранешен претседател на Парламентарно Собрание на Совет на Европа, како и Весна Пусиќ, прва претседателка на Мрежата на либерали од Југоисточна Европа (ЛИБСЕН) и поранешна вицепремиерка и МНР на Хрватска. Моника Зајкова, претседателката на Либерално-демократската партија и Емил Кирјас, потпретседател на Либералната интернационала, исто така беа дел од средбата.