Мотивација и амбиција пред дуелот со Швајцарците
Најтрофејниот македонски клуб, Вардар, вечерва од 20:30 часот ќе го одигра првиот натпревар од второто квалификациско коло во Конференциската лига на УЕФА против швајцарската Лозана. По успешно минатата пречка во првото коло, „црвено-црните“ влегуваат во дуелот со голема мотивација и желба за долго европско лето.
Седлоски: Сè зависи од нас и од тоа како ќе ни дозволат да играме
Стратегот на Вардар, Гоце Седлоски, нагласува дека неговите избраници се свесни за тежината на предизвикот:
- „Против себе имаме навистина добар противник. Швајцарскиот фудбал напредува и има силна лига. Имаме респект, но треба да излеземе и да покажеме карактер“, истакна Седлоски.
Тој додава дека исходот од првиот натпревар ќе биде клучен, но конечниот резултат ќе се знае дури по реваншот во Лозана. Двомечот е за седум дена.
Проблеми со ростерот – неизвесен настап на капитенот
Вардар се соочува со кадровски проблеми пред важниот натпревар. Талески и Сековски нема да бидат во комбинација, а неизвесен е и настапот на капитенот Закариќ, чија помош на теренот би била од голема важност.
Навивачите на ФК Вардар, популарните Комити повикаа „сите на Градски“. Нивната цел е со масовен број на публика Вардар против Лозана повторно да се пласира во европските натпреварувања.