Родителите ќе можат да работат од далечина или со скратено работно време
Парламентот на Бугарија денеска изгласа законска измена што ќе им овозможи на родителите и старателите на деца до 12 години да имаат скратено работно време или да работат од дома, но само за време на летниот распуст.
Предлог-законот за измена на Законот за работни односи го поднесе Деница Сачева (ГЕРБ-СДФ) заедно со група пратеници, а беше едногласно усвоен со 181 глас „за“.
Измени во Законот за работни односи
Досега законот им овозможуваше на родителите на деца под осум години да имаат флексибилно работно време. Новата измена го проширува ова право до 12-годишни деца, но со ограничување на периодот – само за време на летниот распуст.