Инцидентот го заострува конфликтот, нападната и спасувачка операција
Соборувањето на американски борбен авион Ф-15 над територијата на Иран претставува сериозен развој во актуелниот конфликт и отвора нови прашања за неговото понатамошно ескалирање. Според информации на Ен-би-си Њуз, леталото било распоредено од Обединетото Кралство.
Авионот бил стациониран во базата РАФ Лејкненхит во Сафолк, од каде и полетал. Базата формално е во сопственост на британското Министерство за одбрана, но ја користат американските воздухопловни сили. Од почетокот на војната, таму континуирано слетуваат американски воени авиони, а во последните денови пристигнала и ескадрила на авиони А-10 Тандерболт II, познати како „Вархог“.
Напад врз спасувачка операција и повик за фаќање на пилотот
Во меѓувреме, ситуацијата дополнително се усложнила кога вооружени лица во Иран отвориле оган врз американски хеликоптери кои учествувале во операција за пребарување и спасување на пилотот.
Видео-снимка прикажува тројца мажи како излегуваат од возило на југозападот на Иран и отвораат оган кон хеликоптер кој лета на мала висина. На снимката се слуша глас кој вели:
„Американски хеликоптер, ова е војска. Пукај, пукај. Браво! Пукај.“
Иранската државна телевизија повика граѓаните да го пронајдат и фатат американскиот пилот, ветувајќи „богата награда“.
„Ако го фатите непријателскиот пилот жив и го предадете на полицијата, ќе добиете вредна награда“, соопшти водител на државната телевизија.
Засега нема јасни информации дали пилотот успеал да се катапултира пред падот на авионот. Американската страна не објави официјални податоци за неговата состојба или за текот на спасувачката операција.
And here is the scene of the FARAJA (Iranian Law Enforcement Command) engagement with American Blackhawks at low altitude. One Blackhawk was confirmed hit by Iran. It was a catastrophic day for the United States; many more are to follow. pic.twitter.com/657Th0J4xI
— NEUTRINO (@ETERNALPHYSICS) April 3, 2026
Редок инцидент со сериозни импликации
Соборувањето на американски борбен авион е исклучително редок настан. Во последните децении се регистрирани само неколку вакви случаи.
Меѓу нив се инцидентите во Кувајт со „пријателски оган“, падови во Ирак и Либија, како и соборувања за време на воени операции, при што во дел од случаите имало жртви, а во други пилотите биле спасени.