Сиљановска Давкова го предложи Трајко Славески за гувернер на Народната банка
Претседателката на државата, Гордана Сиљановска Давкова, официјално го предложи универзитетскиот професор Трајко Славески за нов гувернер на Народната банка на Република Северна Македонија. Со тоа, топката е префрлена во Собранието, кое треба да се произнесе по предлогот.
Потребно мнозинство од 61 пратеник
Според Уставот и Законот за Народната банка, за избор на гувернер е потребно просто мнозинство – најмалку 61 глас „за“ од страна на пратениците во македонскиот парламент. Предлогот веќе е испратен до Собранието и службите го примиле, по што се очекува процедурата за негов избор да започне веќе од утре.
Нема шанса за реизбор на Ангеловска-Бежоска
Иако актуелната гувернерка Анита Ангеловска-Бежоска имаше право на повторен мандат, претседателката не ја предложи за реизбор. Исто така, ниту екс министерот за финансии Зоран Ставревски, кој се спомнуваше како можен кандидат, не доби поддршка. Сиљановска Давкова изјави дека ги оценила сите тројца предложени кандидати позитивно, но сепак се одлучила за Славески.
ПОТВРДЕНО: Претседателката го предложила професорот Трајко Славески за гувернер на НБРМ
Кој е Трајко Славески?
Трајко Славески е редовен професор на Економскиот факултет при УКИМ, каде што предава макроекономија и државна регулација. Тој има богата академска кариера, но и искуство во извршната власт – беше министер за финансии во периодот 2006–2009. Славески е и долгогодишен член на ВМРО-ДПМНЕ, партија во чие име учествувал во креирање на повеќе економски програми.
Неговото евентуално именување ќе значи нова насока за монетарната политика во земјата, особено во контекст на предизвиците со инфлацијата, стабилноста на денарот и приближувањето кон ЕУ.