Двајца кои скокале по крстот во Скопје биле пренесени на Клиничкиот центар „Мајка Тереза“
Двајца кои скокале по крстот во Скопје, на Богојавление, во студената и надојена река Вардар со возила на Итната медицинска помош биле пренесени на Клиничкиот центар „Мајка Тереза“ за дополнителна здравствена поддршка. Состојбата на двете лица е стабилна, соопштија од Црвениот крст на социјалните мрежи.
Тие претходно биле згрижени во тријажниот центар на Црвениот крст.
Во водите на Вардар во Скопје денеска, на Водици по светиот крст скокаа повеќе од 160 граѓани, а 24-годишниот Дарко Митровиќ од општина Центар го извади чесниот крст во рамки на централната манифестација што се одржа кај мостот „Слобода“ кај х. Холидеј ин.