Зголемување на минималната плата од октомври
Минималната цена на трудот во Србија ќе биде зголемена за 9,4 проценти од октомври оваа година и ќе изнесува 58.630 динари, односно над 500 евра. Оваа одлука беше постигната на состанокот на Социјално-економскиот совет на Србија. Првиот вицепремиер и министер за финансии, Синиша Мали, соопшти дека досегашната минимална плата изнесувала 53.592 динари, што претставува околу 450 евра.
Повисока цена за работен час
Со новото покачување, цената на работниот час ќе се зголеми од досегашните 308 на 337 динари. Ова значително покачување, според Мали, претставува дел од напорите на владата за унапредување на животниот стандард и подобрување на положбата на најнископлатените работници.
Во меѓувреме, во Србија има големи протести.
Во Србија масовни блокади, Вучиќ со апел до демонстрантите да не блокираат градови во државата
Најава за ново зголемување во 2026 година
Министерот Мали исто така најави дека се разгледува и можноста за дополнително зголемување на минималната плата од 1 јануари 2026 година. Предлогот на Владата е покачување од 10,1 процент, со што минималната плата би достигнала 550 евра. Преговорите за ова следно зголемување се очекува да започнат кон крајот на август или почетокот на септември.
Извор: Економија и Бизнис