Европски практики и поддршка за македонските студенти
Министерката Јаневска истакна дека соработката со земји-членки на Европската Унија е од суштинско значење за Македонија. Според неа, имплементацијата на европските образовни практики придонесува за унапредување на националниот образовен систем и забрзување на реформските процеси во државата.
„Особено сме благодарни за поддршката што Унгарија ја обезбедува преку програмата Стипендиум Хунгарикум, која овозможува финансиска помош за македонските студенти на сите нивоа на високото образование,“ изјави Јаневска.
Претстојен Самит за култура, образование и иновации
Амбасадорот Клеин ги истакна клучните точки од агендата на претстојниот Самит за култура, образование и иновации, кој ќе се одржи на 3 и 4 февруари во Будимпешта. Овој настан, организиран од унгарското Министерство за култура и иновации, ќе биде можност за дискусија за заеднички проекти и зајакнување на соработката меѓу земјите од Западен Балкан.
Министерката Јаневска потврди дека ќе учествува на самитот и изрази уверување дека ќе се постават нови основи за продлабочување на образовните релации помеѓу двете држави.