Владата на Србија ги отфрли наводите од социјалните мрежи и одредени медиуми дека унгарските знамиња биле поставени покрај автопатот и улиците во Белград, по повод доаѓањето на италијанската премиерка Џорџа Мелони, но дека форматот на знамињата е вертикален.
Во соопштението се наведува дека процедурите за поставување на италијанското знаме биле спроведени „со најголема грижа и во согласност со меѓународните протоколи“.
Форматот за поставување знаме долж автопатиштата кај нас е вертикален, што бара специфично прилагодување на знамињата на сите земји кон овој формат, се додава во соопштението.
Тие исто така наведоа дека нијансите на боите на знамињата се прилагодени на техничките специјализации, а дека во случајот со знамето на Италија, посебно внимание е посветено на нијансата на зелената, „за да се осигура дека таа се разликува од нијансите на знамето на Унгарија“.
Како што може да се види на фотографиите на социјалните мрежи, српските знамиња се поставени по должина на столбовите за јавно осветлување. Зелената, белата и црвената боја на италијанското знаме се превртени, а на многумина и покрај демантот сепак им личат на унгарското знаме.