Стојкоски: Продолжува уредувањето на улиците во општината Ѓорче Петров

Континуирани активности за подобрување на инфраструктурата

Градоначалникот на општина Ѓорче Петров, Александар Стојкоски, објави на својот Фејсбук-профил дека денеска се работи на уште една улица во општината. Тој истакна дека активностите се континуирани и насочени кон задоволување на потребите на што е можно поголем број жители.

„Денеска сме на уште една улица во Ѓорче Петров. Се работи континуирано и неуморно, со цел да излеземе во пресрет на што е можно поголем број жители на нашата општина. И тука нема да застанеме“, напиша Стојкоски.

Нови проекти за реконструкција

Градоначалникот најави и нови проекти во општината.

„За скоро време започнуваме со целосна реконструкција на улицата ‘Воин Драшкоци’ во Хром. Во план е и уредување на главниот пат во населбата позади Кам Молот во Ново Село, како и целосна реконструкција на патот кон Кучково“, изјави Стојкоски.

Посветеност на ревитализација на улиците

Стојкоски потенцира дека општината останува целосно посветена на реализацијата на сите ветени проекти, со цел ревитализација на уличната мрежа.

„Остануваме посветени на реализација на сите проекти што ги ветивме, со цел целосна ревитализација на уличната мрежа во Ѓорче Петров“, додаде градоначалникот.