Нов извештај ги истакнува факторите што предизвикуваат рак
Светската здравствена организација (СЗО) и Меѓународната агенција за истражување на ракот (МАИР) предупредуваат дека значителен дел од новите случаи на рак во светот се поврзани со фактори на ризик на кои може да се влијае. Истражувањето ги опфати 30 причини, од употребата на тутун и алкохол до загадувањето на воздухот, кои директно придонесуваат за појавата на болеста.
Пушењето е најзначаен фактор што може да се спречи, со удел од 15% од новите случаи, додека другите болести, вклучително инфекции, придонесуваат со 10% , а алкохолот со 3% . Преваленцата е поголема кај мажите, каде што 45% од новите случаи можат да се спречат, во споредба со 30% кај жените. Доминантна причина кај мажите е пушењето (23 отсто), додека кај жените најмногу влијаат болестите (11%).
Истражувањето покажува дека 37% од сите нови дијагнози во 2022 година се резултат на спречливи фактори, што изнесува околу 7,1 милион случаи на глобално ниво. СЗО прогнозира дека Индија ќе го регистрира третиот најголем број нови случаи на рак во светот, веднаш по Кина и САД.
Следната сесија на Светскиот економски форум во Давос во 2026 година ќе ги разгледа најновите истражувања и терапии за превенција, рано откривање и лекување на ракот, како и нивните ограничувања.