Тинејџер прободен со нож во тепачка кај хотел „Карпош“, хоспитализиран во болница
Еден тинејџер е прободен со нож и пренесен во болница по пресметка меѓу две групи малолетници вчера претпладне во близина на хотел „Карпош“. Учениците прво се скарале, а потоа се степале, при што еден од нив се здобил со убодна рана од остар предмет. Повредениот е пренесен во ГОБ „8 Септември“, каде му е укажана лекарска помош. Инцидентот се случил во угостителски објект на територија на Карпош.
Од Министерството за внатрешни работи соопштија: „Од ГОБ ‘8 Септември’ е пријавено дека кај нив е донесен повреден малолетник – ученик во СДУ ‘Ѓорги Димитров’, кој, според пријавеното, се здобил со убодна рана од остар предмет во угостителски објект на територија на Карпош, каде дошло до пресметка помеѓу две групи на ученици.“