Уапсени три лица осомничени за убиство на 84-годишниот Љ.С. од селото Луке, кој на 29 март беше пријавен за исчезнат.
Според информациите од Министерството за внатрешни работи, полициски службеници од ОВР Крива Паланка во 18:25 часот ги лишиле од слобода З.Ф. (24), С.Ф. (19) и С.Ф. (44). Уапсени се сите од истото село.
Доживотен затвор за Фадил Зејнелов за убиството на Емилија Пешева
По претходна истрага, телото на исчезнатиот старец било пронајдено закопано во непосредна близина на неговиот дом. На местото на настанот увид извршила екипа од СВР Куманово, а по наредба на јавен обвинител, телото е предадено на обдукција.
Властите продолжуваат со истрагата, а по целосно документирање на случајот, против осомничените ќе биде поднесена соодветна пријава.
Извор: Република