Додека украинскиот претседател Володимир Зеленски и претседателката на Европската комисија Урсула фон дер Лајен држеа заедничка прес-конференција во Брисел пред утрешната средба во Вашингтон, американскиот претседател Доналд Трамп се огласи на неговата социјална мрежа „Truth Social“.
„ГОЛЕМ НАПРЕДОК ОКОЛУ РУСИЈА. СЛЕДЕТЕ! Претседател ДЈТ“, напиша Трамп во кусата порака, алудирајќи на преговорите што ги имаше во петокот со рускиот претседател Владимир Путин.
Неколку минути претходно, Трамп ги нападна „лажните вести“ обвинувајќи дека ја извртуваат вистината за средбата во Алјаска со Путин.
„Доколку успеав да ја убедам Русија да ја предаде Москва како дел од договорот, лажните вести и нивниот ПАРТНЕР, радикалната левица, ќе рекоа дека направив ужасна грешка и многу лош договор“, напиша Трамп.