Трамп воведува нови царини – трговска војна на повидок
Светот се соочува со нова економска неизвесност откако Белата куќа потврди дека претседателот Доналд Трамп денеска ќе ги објави новите царини за увоз. Иако деталите сè уште не се познати, аналитичарите предупредуваат дека ова може да доведе до глобална трговска војна.
Трамп воведе царини за 60 држави, за Македонија 33 проценти
Трговска стратегија или економска криза?
Според Белата куќа, новите тарифи се дел од стратегијата за „обновување на американската економска супериорност“. Портпаролката Каролин Левит изјави дека администрацијата е фокусирана на „обновување на златното доба на Америка“. Сепак, критичарите предупредуваат на зголемени трошоци за потрошувачите и нарушување на глобалниот пазар.
Целни сектори и погодени држави
Претходните царини веќе ги погодија алуминиумската и челичната индустрија, а се очекува новите мерки да влијаат на фармацевтскиот сектор. Земјите во развој како Индија, Бразил, Виетнам и африканските држави би можеле да бидат најпогодени.
„Три четвртини од извозот од Бразил во САД се индустриски производи со ниска додадена вредност. Зголемените царини ќе го направат извозот неисплатлив“, вели професорот Винисиус Виеира.
Глобален одговор и економски последици
Јапонија, Канада, Кина, Австралија и Европската унија веќе најавија можни контрамерки. Брисел повикува на дијалог, додека Мексико е подготвено за различни сценарија. Трамп воведува нови царини.
Финансиските пазари реагираа со пад, а цените на нафтата веќе се зголемија. Експертите очекуваат дополнителна нестабилност доколку трговските партнери возвратат со сопствени тарифи.
Крајна цел на Трамп
Според американската администрација, новите тарифи имаат четири цели:
Ограничување на фентанилот и илегалната миграција
Поставување фер услови за американските компании
Зголемување на државните приходи
Јакнење на домашното производство
Со овие мерки, Трамп се надева на економска доминација, но ризикува глобални потреси што би можеле да го променат трговскиот пејзаж.