Американскиот претседател Доналд Трамп ги отфрли обвинувањата на поранешната државна секретарка Хилари Клинтон дека неговата администрација го прикрива објавувањето на документите поврзани со Џефри Епстин.
Трамп изјави дека нема никаква врска со случајот и дека нема што да крие.
„Немам што да кријам, ослободен сум од обвинение и немам никаква врска со Џефри Епстин. Тие се вмешани во тоа и тоа е нивен проблем. Ќе видиме што ќе се случи. Таа сериозно страда од ‘Трампов синдром на растројство’“, рече Трамп, одговарајќи на новинарско прашање за изјавите на Клинтон.
Претходно, Хилари Клинтон во интервју за Би-Би-Си ја обвини администрацијата на Трамп за „намерно забавување“ на објавувањето на досиејата поврзани со осудениот сексуален престапник Џефри Епстин.
Таа изјави дека таа и нејзиниот сопруг станале политичка цел и додаде дека „секој што е повикан на суд во врска со случајот Епстин треба да сведочи“.