Целосна блокада на Евзони
Од 11:00 часот претпладнево, сообраќајот на граничниот премин Евзони (Богородица) е целосно запрен за влез и излез од државата. Прекинот е резултат на нов протест организиран од грчките земјоделци, кои повторно ја блокираа границата.
Ограничувања и на преминот Ники
Проблеми во сообраќајот се бележат и на граничниот премин Ники (Меџитлија), каде блокадата се однесува само на товарни возила и автобуси. Патничките автомобили засега се пропуштаат, но со забележани забавувања во одвивањето на сообраќајот.
Зголемен метеж на преминот Дојран
Единствен премин на кој сообраќајот се одвива непречено е Дојран. Сепак, поради блокадите на Евзони и Ники, таму е регистриран зголемен интензитет на возила. Очекувани се подолги задржувања и чекање при влез во државата.