Центарот за управување со кризи (ЦУК) информира дека до 18:30 часот на 10 јули 2025 година, во државата се регистрирани вкупно 29 пожари на отворен простор, од кои 9 се сè уште активни, 4 се ставени под контрола, а 16 се изгаснати.

Активни пожари (9):

  • Општина Чучер Сандево: помеѓу селата Блаце и Горњани, место викано Рамна шума (шумски пожар)

  • Општина Прилеп: село Бешиште, место викано Бешишки Рид (приземен пожар во мешана шума)

  • Општина Македонски Брод: меѓу селата Црешнево и Локвица (деградирана дабова шума и грмушки)

  • Општина Дојран: село Николиќ (нискостеблеста шума)

  • Општина Василево: село Владевци (нискостеблеста шума)

  • Општина Чашка: под Солунска Глава, меѓу местата викани Изворите на Бабуна и Бабина Дупка – без активен пламен, но има чад во карпест предел (шумски пожар)

  • Општина Крива Паланка: село Лозаново

  • Општина Тетово: патен правец Тетово – село Селце (дива депонија)

  • Општина Делчево: место викано Брежје (нискостеблеста вегетација, смреки и грмушки)

Пожари под контрола (4):

  • Македонски Брод 1: помеѓу селата Рамне и Ковче (ниска вегетација, пожар проширен од фабриката „Самоков“)

  • Македонски Брод 2: село Слатина (мешана шума)

  • Македонски Брод 3: село Слатина (нискостеблеста мешана шума)

  • Делчево: градска депонија Острец

Изгаснати пожари (16):

  • Шуто Оризари: село Визбегово (депонија)

  • Ѓорче Петров: село Орман (ниска вегетација и дрво)

  • Гази Баба: Смилковско Езеро (ниска вегетација)

  • Аеродром: улица 3 Македонска Бригада (сува трева)

  • Кисела Вода: улица Малешевска, населба Драчево (сува трева)

  • Струмица: село Куклиш (стрниште и сува трева)

  • Велес: градска депонија

  • Кавадарци: улица Диме Туриманџов (ѓубре)

  • Делчево: место викано Брежјето (грмушки и сува трева)

  • Куманово: населба Средорек (ѓубре и сува трева)

  • Крива Паланка 1: село Градец (шума и сува трева)

  • Крива Паланка 2: село Конопница (борова шума)

  • Желино: село Ларце – село Горна Лешница (мешана шума)

  • Тетово: село Џепчиште (сува трева)

  • Гостивар: град Гостивар (сува трева)

  • Кочани: кај селата Јастебник и Полаки, место викано Бабиште (шума и сува трева)

ЦУК продолжува да ги следи сите теренски информации и да координира со надлежните служби за навремено интервенирање и спречување на натамошно ширење на пожарите.