Во Глендејл, Аризона, полицијата уапси 42-годишен маж поради сомнително однесување на стадионот Стејт Фарм, каде се одржуваше комеморација за убиениот десничарски активист Чарли Кирк. Осомничениот, Џошуа Ранклс, се претставувал како полицаец и носел оружје во објектот.
Одделот за јавна безбедност на Аризона потврди дека мажот бил вооружен со нож и пиштол, а исто така поседувал истечени полициски акредитиви.
Тајната служба на САД истакна дека во соработка со локалната полиција го истражува лицето поради „сомнително однесување“. Портпаролот на агенцијата изјави за ABC News дека агентите пристапиле на осомничениот, кој им признал дека е вооружен и се претставува како полицаец.