Тој, меѓудругото, се товари за кривични дела „злоупотреба на службена должност“, „активна корупција на високи државни функционери или локални избраници“, „пасивна корупција на високи државни функционери или локални избраници“.
СПАК побарало апсење и на Стела Гугаља, сопственичка на „Албтек енерџи“ и Клодијан Зото, сопственик на „Интегрид технолоџи сервиси“, но откако полицијата не ги лоцирала, по нив се трага.
-Предмет на истрага на оваа кривична постапка беа дејствијата извршени во постапката за склучување на договор за концесија со објект „изградба и администрирање на објект за урбан отпад во Елбасан, за производство на енергија“, како и дејствијата извршени во фазата на имплементација на овој договор за концесија, договор што е склучен меѓу Министерството за животна средина и компаниите „Албтек енерџи“, соопштуваат од СПАК.
СПАК донесе одлука да го заплени имотот на Кока, поточно „ објект за продажба на алкохолни пијалаци Ѓерѓ Кастриот – Скендербег“ во Драч, во вредност од 442.972 леки, како еквивалентен имот со дел од износот за кој се товари во казниво дело.
Кока на функцијата министер за животна средина беше во периодот 2013-2017 од редовите на Движењето за социјалистичка интеграција (ЛСИ), кога лидер на партијата беше Илир Мета и беше дел од владината коалиција со социјалистите, а од 2017 до 2021 пратеник од редовите на Социјалистичката партија. За пратеник во ИЕ Драч, реизбран на априлските избори, но се откажа од мандатот.