Утрово околу 06.15 часот во м.в.Дабница, Прилепско, во близина на споменикот, од страна на полициски службеници од ОВР Прилеп лишен од слобода е М.Е. (34) од Прилеп, поради постоење основи на сомнение дека подметнал пожар на место викано Дабница, соопшти Министерството за внатрешни работи (МВР).
Пожарот утрово е локализиран од страна на противпожарната единица од Прилеп, а приведениот М.Е. е задржан во полициска станица и против него ќе следува кривична пријава до ОЈО Прилеп, информираше полицијата.