Ракометарите на Алкалоид забележаа нова сигурна победа во рамките на деветтото коло од ракометната Суперлига. Пред домашната публика, тимот славеше со конечен резултат 37:27 против составот на Прилеп.
Иако стручниот штаб реши да комбинира со играчкиот кадар, Алкалоид го потврди својот квалитет на теренот. Домашниот состав ја одржуваше контролата во текот на целиот натпревар и рутинирано ги освои новите првенствени бодови.
Кај победничката екипа особено се истакна Никола Костески, кој одигра забележителен натпревар и постигна вкупно 10 погодоци од 11 упатени удари кон противничкиот гол. Во редовите на гостинскиот тим на Прилеп најефикасен поединец беше Маркоски со 5 постигнати гола.