Убиен скопскиот мафијаш Жила, заедно со уште едно лице во стара чаршија

Двојно убиство се случи вечерва во стара чаршија во Скопје, дознава А1он.

Според информациите на А1он убиството се случило пред околу половина час во близина на кафе барот „Шиша бар“.

Како што за А1он тврдат очевидци, во близина на кафулето убиени се две лица, а според засега непотврдени информации се работело за лица добро познати на криминалното подземје.

За едниот од нив очевидци тврдат дека се работи за извесен криминален бос – Јетон викан Жила.

Според нашите сознанија станува збор за човек близок до ДУИ.

Од МВР засега единствено потврдуваат дека имало пукање во скопската чаршија, но нема повеќе детали, односно повеќе информации најавуваат набрзо откако полицијата ќе направи првичен увид на местото.