Украина негира дека намерно ја таргетирала Бугарија, откако дрон експлодирал во близина на стратешкиот Трансбалкански гасовод, недалеку од границата со Романија. Бугарското Министерство за одбрана претходно соопшти дека леталото било од тип што широко го користи украинската војска.
„Во близок контакт сме со бугарската страна за да се разјаснат околностите на инцидентот. Можеме со сигурност да кажеме дека украинските вооружени сили не насочиле намерно никакви средства кон Бугарија“, изјави портпаролот на украинското Министерство за надворешни работи Георгиј Тихи.
Во експлозијата нема жртви, а бугарскиот премиер Румен Радев изјави дека дронот носел значително количество експлозив и паднал во поле со сончоглед, на околу 1.000 метри од компресорска станица на Трансбалканскиот гасовод.
„Во моментов ништо не укажува дека станува збор за намерен инцидент. Дронот се урна во поле со сончоглед. Романската гранична полиција го снимила звукот на дронот, а потоа патрола на бугарската гранична полиција забележала гласна експлозија придружена од црн чад. Идентификувањето и неутрализирањето на овие дронови претставува голем предизвик“, рече Радев.
Бугарските власти продолжуваат со истрагата за потеклото и траекторијата на леталото, додека Софија и Киев се во контакт за целосно расчистување на инциденто