Утре претежно облачно со повремени врнежи
Утрешниот ден ќе помине со претежно облачно време и повремени врнежи од дожд во повеќе делови од земјата. Според информациите од УХМР, на некои места се можни и ретки грмежи.
Ќе дува умерен ветер од северозападен правец, кој повремено ќе засилува. Ветерот ќе биде поизразен долж Повардарието.
Минималната температура ќе се движи од 2 до 6 степени. Максималната дневна температура ќе достигне од 11 до 17 степени.
Во Скопје се очекува облачно време со повремени слаби врнежи од дожд. Ќе дува слаб до умерен ветер од северен правец.
Утринската температура во главниот град ќе се спушти до околу 5 степени. Дневната температура ќе достигне до 14 степени.
Од викендот стабилно и суво време
Во текот на викендот и во првите денови од следната седмица се очекува стабилизирање на временските услови.
Според прогнозата, ќе преовладува стабилно и суво време под влијание на поле на висок воздушен притисок.
Во петок ќе дува умерен ветер од северен правец. Во деновите потоа ветерот ќе биде слаб до умерен и ќе дува од југоисточен правец.