ВАРДАР ГО ПОБЕДИ КУПС, НО ОТПАДНА ОД ЛИГАТА НА ШАМПИОНИТЕ: „Црвено-црните“ продолжуваат во Конференциската лига

Македонскиот првак ја надополни негативата од Скопје, но падна по продолженијата во Финска

Вардар не успеа да го мине првото квалификациско коло во Лигата на шампионите, иако славеше со 3-2 против КуПС на гостински терен.

„Црвено-црните“ по продолженијата беа елиминирани со вкупен резултат 4-3, откако во првиот меч во Скопје загубија со 2-0.

Македонскиот шампион одигра многу подобар натпревар во Финска и успеа да ја анулира негативата од првата средба.

Саволаинен постигна автогол во 59. минута, а Горан Закариќ од пенал во судиското надополнување донесе предност од 2-0 за Вардар и израмнување во двомечот.

Драма во продолженијата

Во првото продолжение КуПС успеа да го намали резултатот преку Боб Арма во 100. минута.

Вардар брзо возврати, а Иан Пулеио повторно донесе предност од два гола за македонскиот тим.

Сепак, домаќините добија пенал, кој Пјотр Паршек го реализираше за конечни 2-3 и пласман на КуПС во следната рунда.

Вардар со победа се збогуваше од квалификациите за Лигата на шампионите, но европскиот настап ќе го продолжи во второто квалификациско коло во Конференциската лига.