Воена свеченост и положување свежо цвеќе
Во касарната „Кузман Јосифовски-Питу“ во Тетово денеска се одржа воена свеченост по повод 82-годишнината од загинувањето на народниот херој Кузман Јосифовски – Питу. Припадниците на Третиот пешадиски баталјон од составот на Првата пешадиска бригада и останатите единици присуствуваа на одбележувањето.
На церемонијата, свежо цвеќе положија делегации од Командата и штабот на Првата пешадиска бригада, Третиот пешадиски баталјон, претставници од верските заедници, локалната самоуправа, владини и невладини организации, како и претставници од државниот и приватниот сектор со кои гарнизонот во Тетово остварува тесна соработка, соопштија од Армијата.
Крводарителска акција пред свеченоста
Според соопштението од Армијата, претходно во касарната се одржа крводарителска акција од страна на вработените во гарнизонот Тетово. Во рамките на акцијата беа дарувани 32 единици крв, покажувајќи ја поддршката на вработените за хуманитарни активности.