Како што знаеме од претходно се одржа концертот во Ливерпул како проект за тестирање на мерките, дел од планот на владата за укинување на повеќето ограничувања против коронавирусот на 21 јуни.
Околу 5.000 луѓе присуствуваа на концерт во Ливерпул, Велика Британија, без маски и без дистанца, на настан што беше организиран како проба за укинување на епидемиолошките мерки.
Мерката за физичко растојание во Велика Британија ќе биде укината од 21 јуни, во рамки на плановите сите ресторани, пабови, театри и кина да бидат отворени со полн капацитет.
Во некои случаи, ќе треба да се носат маски за да се ублажат ризиците, но ова значи дека локалите и објектите ќе можат повторно да бидат отворени со полн капацитет првпат по 15 месеци.
Британскиот министер за надворешни работи, Доминик Раб, потврди дека некои ограничувања ќе останат и по 21 јуни, предизвикувајќи загриженост за угостителската индустрија. Тој рече дека ќе мора да останат некои ограничувања и заштитни мерки.
„Тоа претежно ќе биде поврзано со носење маски за лице“, рече тој.
Засега се смета дека ова ќе се однесува на носење заштитни маски во киносалите и театрите.