Голем пожар избувна денеска во областа Куварас на истокот од грчкиот полуостров Атика, соопшти Бригадата за противпожарна заштита.

Грчките власти денеска наредија евакуација на неколку градови бидејќи пожарот се приближи до домовите.

Наредена е евакуација во градовите Лагониси, Саронида и Анависос, пренесува Екатимерини. Пожарот го гаснат повеќе од 150 пожарникари со 40 возила, седум авиони и четири хеликоптери.